დიდი ბრიტანეთის საქველმოქმედო ორგანიზაცია ოქსფამის ორგანიზებით, 2011 წლის 21 დეკემბერს, თბილისში, სასტუმრო ბეტსში მოეწყო მრგვალი მაგიდა თემაზე: ,,ბუნებრივი კატასტროფებისადმი სოფლის თემების მოწყვლადობის შეფასების საერთო მეთოდები“, რომელსაც საქართველოში მოქმედი არასამთავრობო ორგანიზაციებისა და საერთაშორისო ორგანიზაციების წარმომადგენლები ესწრებოდნენ.

2011 წლის 19 დეკემბერს, ,,ადამიანის უფლებათა სახლი“-ს ახალგაზრდული კლუბის ორგანიზებით, მიგრანტების საერთაშორისო დღესთან დაკავშირებით, წიგნის მაღაზია ,,დიოგენე“-ს კინოკლუბში გაიმართა საჯარო დისკუსია ეკომიგრანტების შესახებ.

საქართველოს პრეზიდენტის 2011 წლის 7 ივლისის №360 ბრძანებულებით, ხობის მუნიციპალიტეტის სოფელ პატარა ფოთის შავღელეს უბანს, ადგილობრივი მოსახლეობის თხოვნის საფუძველზე, სოფლის სტატუსი მიენიჭა.